1 months 17 days 2 hours 7 minutes 30 seconds ago
പ്രമുഖ പ്രവാസി സമൂഹിക പ്രവര്‍ത്തകനായ പി.എം. ജാബിര്‍ കേരള സംസ്ഥാന സര്‍ക്കാറിന്‍െറ പ്ളാനിങ് ബോര്ഡ് ഉപദേശക കമ്മറ്റിയിലേക്ക് തെരഞ്ഞെടുക്കപ്പെട്ടു. സര്‍ക്കാര്‍ പുതുതായി രൂപവത്കരിച്ച കമ്മിറ്റിയില്‍ 19 അംഗങ്ങളാണുള്ളത്. പ്രവാസമേഖലകളില്‍ പ്രവര്‍ത്തിക്കുന്നവരും ഗവേഷണം നടത്തുന്നവരുമാണ് സമിതിയില്‍ അധികവും. പി.ടി. കുഞ്ഞുമുഹമ്മദ്, ഹൃദയ രാജന്‍, ഉഷ ടൈറ്റസ് തുടങ്ങിയര്‍ സമിതിയിലുണ്ട്.പ്രവാസികള്‍ക്ക് നിലവില്‍ ലഭിക്കുന്ന സൗകര്യങ്ങളും ആനുകൂല്യങ്ങളും പഠിക്കുകയും പോരായ്മകള് ചൂണ്ടിക്കാണിക്കുകയും അടക്കമുള്ള നിരവധി ചുമതലകള്‍ സമിതിക്കുണ്ട്. സമിതിയുടെ ആദ്യ റിപ്പോര്ട്ട് ഡിസംബറില്‍ സര്‍ക്കാറിന് സമര്‍പ്പിക്കും. ആദ്യ യോഗം ഈമാസം 15ന് നടക്കും. വിഡിയോ കോണ്ഫറന്സ് വഴിയോ നേരിട്ടോ അംഗങ്ങള്‍ യോഗങ്ങളില് പങ്കെടുക്കും.കഴിഞ്ഞ 30 വര്‍ഷമായി പ്രവാസലോകത്ത് ജീവിക്കുകയും പ്രവാസി പ്രശ്നങ്ങള്‍ അടുത്തറിയുകയും ചെയ്യുന്ന തനിക്ക് സമിതിക്ക് മുന്നില്‍ നിരവധി നിര്‍ദേശങ്ങള്‍ സമര്‍പ്പിക്കാന്‍ കഴിയും. പ്രവാസം ആരംഭിക്കുന്നതിന് മുമ്പ് അവര്‍ക്ക് പ്രത്യേക പരിശീലനവും ബോധവത്കരണവും നടത്തുക, വിദേശത്തേക്കുള്ള റിക്രൂട്ട്മെന്‍റുകള്‍ സുതാര്യവും സൗജന്യവുമാക്കുക തുടങ്ങിയ നിരവധി നിര്‍ദേശങ്ങളും സമിതിക്ക് മുന്നില്‍വെക്കും. ഒമാനിലെ പ്രവാസികള്‍ക്ക് ഈ വിഷയത്തില്‍ നല്‍കാനുള്ള നിര്‍ദേശങ്ങളും അഭിപ്രായങ്ങളും അറിയിക്കണമെന്ന് ജാബിര്‍ ആവശ്യപ്പെട്ടു. ഇവ സര്‍ക്കാറിന് സമര്‍പ്പിക്കുമെന്നും അദ്ദേഹം പറഞ്ഞു.
Courtesy : Gulf Madhyamam
